السلام عليكم ورحمة الله وبركاته
ده حوار بين استاذ بالقصر العيني وابنه (ربنا يخليهم لبعض )
الابن:بابا....كلمت اونكل كعبوره اللى هايمتحننى
الاب:ايوه
الابن:قوله انى مش مذاكر اى حاجه خالص
الاب:حاضر
الابن:وقوله انى معرفش حاجه فى العملى
الاب:قولته وقال مش هيدخلك على عيانين
الابن:وقوله انى مش هقدر اصحى بدرى لانى هاسهر ياريت مايندهنيش فى الاول زى ما بيعملوا معايا كل مره
الاب:حاضر هاقوله يندهلك فى الاخر
الابن:لا مش عاوز اتاخر عشان خارج بعد الامتحان مع صاحبتى
الاب:مش كفايه انك هتمتحن فى يوم غير يومك
الابن:وانا ذنبى ايه انكو تعملو الامتحان ف وقت رحله شرم
الاب:طب نعملك ايه؟ عاوز تمتحن امتى ؟
الابن:قوله يستنى منى رنه ع الموبايل لما ارن يندهلى
الاب:حااضر يامغلبنى
الابن:انا؟مش كفايه ضيعتنى ف النظرى وماجبتوش كل الاسئله
الاب:جايبلك 9أسئله من 10 وكمان مش عاجبك
الابن:جايبهالى قبل الامتحان باسبوعين بس وكنت ساعتها فى الرحله وكمان الاسئله طويله ملحقتش اكتبها
الاب:ماحنا مصعبينها عشان باقى الطلبه مايحلوش وبعدين مانا جيتلك اللجنه ومديت الوقت لما غمزتلى ولمانا الورق ف باقى اللجان
الابن:طب ما برضه فى عيال عفاريت بيكتبوا بسرعه ومذاكرين كل حاجه
الاب:ماحنا عشان كده جايبيين اسئله فحاجت ملغيه كمان هيروحوا فين من الشفوى والاكس راى والاي سى جى ... دا يومهم بنعمل امتحان صعب جدا عكس يومكو اللى مابنصححش فيه
الابن:مادام الشفوى والعملى حسموا الموضوع تقرفنى فى المذاكره كام سوالنظرى وتعدونى فى البيت قبليها باسبوع ليه
الاب:ضمان ...وكمان لان فى دكاتره طيبين بيدوا الطلبه الشاطرين درجات كويسه غى الشفوى
الابن: بابا.. ماتقوله يديك الاسئله اللى هيسألهالى عشان اعرفها بدل مانا كل مره ماجاوبش ولا سوال وشكلى بقى وحش
الاب:انا قولتوا مايسالكش خالص
الابن:ينفع ماروش الامتحان خالص بدل تعب الاعصاب اللى بيقى فيه
الاب: لا يروح امك لازم تروح
